Sulinummi suleqatigiit
Anna Burdenski
‘Suliniummi Snow2Rainmi ilisimatusartuuvunga saniatigullu Wienimi Universitetimi piorsarsimassutsimut aamma socialantropologiimut tunngatillugu ph.d.-liorlunga. Ungasissoq eqqarsaatigalugu neriuutigaara avatangiisit allanngoriartornerisa Tunumi inuunermut sunniuteqartarnera ilisimaneqarnerulissasoq.’
Jorrit van der Schot
‘Jorrit van der Schotimik ateqarpunga. Suliniummi Snow2Rainimi suliassara tassaavoq apisarnera, siallertarnera, tamakkiisumik nakkaalaartarnera kiisalu Tasiilap pigisaani apisarneq qanoq allanngoriartornersoq misissussallugit. Nalunaarsuutit atukkakka apummik uuttortaanermeersuupput, silasiorfinneersuupput, sumiiffimmi silap pissusaanut tunngatillugu takussutissianeersuupput qaammataasaniillu nalunaarsuutineersuullutik.’
Sophie Elixhauser
‘Suliniummut atatillugu siunnersortaaneruvunga, Piorsarsimassutsimullu Socialantropologiimullu immikkoortortaqarfimmi Wienip Universitetiani ilisimatusartuullunga. Ukiorpassuit Tunumut inuinullu atassuteqarsimavunga, Tasiilami pigisaanilu (ingammik Sermiligaami) ukiut 15-it iluini piffissaq annertooq atorsimagakku. Neriuppunga suliniut iluaqutigalugu silap pissusaata allanngoriartornera avatangiiserlu pillugt najugaqartut ilisimatuullu oqaloqatigiinnissaannut periarfissiissasoq kiisalu ilisimasanik akornanni paarlaasseqatigiittoqarumaartoq.’
Wolfgang Schöner
‘Fysikkimi nunalerinermilu Graz Universitetimi professoriuvuna, silap pissusaata allanngoriartornera qaqqaqarfinnullu sunniutai ukkataralugit. Suliniummi Snow2Rain-mi aqutsisuuvunga. Suliniut Østrigimi Issittumi ilisimatusarnermi Institutimeersunit (APRI), ilisimatusartunit eqimattakkaanit marlunnit aallarnisarneqarsimavoq.’
Peter Schweitzer
‘Piorsarsimassutsimut tunngatillugu socialantropologiimilu Wienip Universitetiani professoriuvunga. Wienimi ilinniareerlunga ukiut 20 sinnerlugit Alaskap Universitetiani, Fairbanksimi Professoriusimavunga, 2012-milu Winenimut uterlunga. Mannakkut ilisimatusarninni soqutigisaraakka issittumi inuit qanoq sanaartorfinni pinngortitamilu avatangiisit qanoq ataqatigiissaartarnersut. Suliniummi Snow2Rain-imi inuiaqatigiit pillugit ilisimatuarnermi akisussaasuuvunga.’